Tèm ak Kondisyon Ann Pale Ansanm
Dènye Mizajou: 19 me 2026
TANPRI, LI KONDISYON SA YO AK ANPIL ATANSYON AVAN OU ITILIZE PLATFÒM NOU AN OSWA SÈVIS NOU YO. LÈ W AKSEPTE KONDISYON SA YO, OU RENONSE AK DWA POU TOUT REKOU KOLEKTIF EPI AK DWA POU FÈ YON PWOSÈ DEVAN JIRI
Sof si nou endike lòt bagay, Tèm ak Kondisyon sa yo (“Tèm yo”) aplike ak itilizasyon epi/oswa aksè ou genyen sou sit entènèt sa a, wht.care, ansanm ak tout sou-domèn li yo, ak aplikasyon mobil (ansanm, “Platfòm”) Warm Health Technology, Inc. (Yon fason kolektif, “Ann Pale Ansanm”, "nou," oswa "nou an") se pwopriyetè oswa ap fè fonksyone, san wete nenpòt pati nan pwen sa yo, san wete sa ki aksesib pou manm yo sèlman.
Tanpri pran san w pou li Tèm sa yo anvan w kòmanse itilize Platfòm lan. LÈ W ANTRE, LÈ W GEN AKSÈ, LÈ W NAVIGE, LÈ W SOUMÈT ENFÒMASYON, OSWA LÈ W ITILIZE PLATFÒM LAN AK KONTNI KI DISPONIB SOU LI YO NAN YON LÒT FASON, OU REKONÈT EPI W AKSEPTE TÈM AK POLITIK KONFIDANSYALITE NOU AN [Politik Konfidansyalite WHT]. Si ou pa dakò, ou dwe itilize platfòm nan.
1. Tèm sa yo Ka Chanje; Gen Lòt Tèm ki Ka Aplike
Ou dwe konnen gen mizajou ak modifikasyon ki ka fèt nan Tèm sa yo detanzantan selon diskresyon nou sèlman, sa ki gen ladan ajoute, efase, oswa modifye tèm yo. Pou plis klate, tout mizajou yo ap antre an vigè imedyatman lè yo pibliye sou nenpòt pati nan Platfòm nan. Nenpòt itilizatè (nou defini anba a) ki kontinye fè nenpòt itilizasyon sou Platfòm nan aprè nou fin fè chanjman nan tèm sa yo, nou konsidere ou aksepte chanjman sa yo. Chak fwa ou swete itilize Platfòm nan, tanpri, verifye Tèm sa yo pou asire ou konprann tèm ki aplike pou ou a nan moman sa a.
Anplis de sa, itilizasyon ou nan Platfòm nan ka fè w soumèt ak lòt kondisyon ak tèm adisyonèl selon fonksyonalite ou itilize yo. Y ap fè w konnen sa yo avan enskripsyon ou fin konplè. Si ou gen nenpòt konfli ant Tèm sa yo ak tèm ak kondisyon adisyonèl sa yo, tèm adisyonèl sa yo ap gen priyorite ak respè pou sèvis espesifik yo.
2. Deskripsyon Platfòm ak Sèvis yo
a. Deskripsyon Jeneral; Limit responsabilite. Ann Pale Ansanm se yon pwogram angajman nan swen ki santre sou klinik, epi ki itilize yon aplikasyon sou telefòn entelijan ki pèsonalize avèk yon rezo sosyal prive ki entegre pou ede moun ki gen VIH (PWH), epi nan kèk ka, moun ki gen lòt maladi, atenn objektif yo nan kesyon swen, tankou amelyore prezans yo nan vizit klinik yo, epi fè pwomosyon pou pi bon rezilta pèsonèl nan sante. Platfòm nan bay zouti pou siveye pwòp tèt ou, kowòdinasyon swen, resous edikatif, ak yon gwoup kominote konfidansyèl pou kliyan pwogram nan (yon “itilizatè”). Objektif Ann Pale Ansanm se pou ranfòse konpetans yo epi fasilite transmisyon bezwen ak preferans pou pèsonèl klinik ki apwopriye. Pwofesyonèl swen sante yo travay ansanm pou kenbe itilizatè yo enfòme, epi pou asire yo jwenn referans ak tranzisyon ki efikas.
b. Sèvis nou yo ka chanje. Nou rezève dwa pou nou fè chanjman nan fason nou jere biznis nou, enkli nenpòt pati nan Platfòm nan, oswa pou ajoute nouvo sèvis, modifye sèvis ki egziste deja yo, oswa sispann, entèwonp, oswa mete fen nan aksè ou nan tout oswa yon pati nan sèvis nou yo, nenpòt ki lè, selon pwòp diskresyon nou epi san avèstisman. Nou p ap responsab si, pou nenpòt rezon l ta ye a, tout oswa yon pati nan Platfòm nan pa disponib nenpòt ki lè oswa pandan nenpòt peryòd. Detanzantan, nou ka limite aksè a tout oswa yon pati nan Platfòm nan pou kèk itilizatè, enkli itilizatè ki anrejistre yo.
c. Konsèy Medikal. PLATFÒM NAN PA LA OSWA LI PA APWOPRIYE POU ITILIZE NAN KA IJANS. SI W PANSE OU GEN YON IJANS MEDIKAL, OSWA NAN NENPÒT MOMAN OU GEN ENKYETID KONSÈNAN SANTE W, RELE 911 OSWA ALE NAN SAL IJANS KI PI PRE W LA. Si w gen lide suisid, rele 1-800-273-TALK (8255) pou w pale avèk yon konseye ki gen konpetans pou sa a nan sant kriz ki nan zòn ou an nenpòt kilè (Liy Nasyonal pou Prevansyon Swisid) oswa rele oubyen voye yon mesaj bay 988 pou kontakte Liy Lavi pou Prevansyon Suisid ak Kriz. Si w p ap viv Etazini, rele liy ijans pou zòn ou an tousuit.
Nou konseye w pou w toujou mande yon doktè oswa yon lòt pwofesyonèl swen sante ki kalifye konsèy pou nenpòt kesyon ki gen rapò ak sante oswa pwoblèm medikal yo. Pa janm neglije, evite, oswa mize nan chèche konsèy medikal nan men doktè w oswa lòt pwofesyonèl swen sante poutèt yon bagay ou li sou Platfòm nan. Ann Pale Ansanm se pa yon pwogram kote yo fè dyagnostik klinik, rekòmandasyon tretman, oswa bay tretman.
KONTNI KI SOU PLATFÒM NAN SE PA KONSÈY MEDIKAL EPI NOU PA DWE KONSIDERE YO TANKOU KONSÈY MEDIKAL OSWA TANKOU YO RANPLASE YON KONSÈY, DYAGNOSTIK, OSWA TRETMAN MEDIKAL POU YON MOUN. OU DWE TOUJOU PALE AVÈK PWOFESYONÈL MEDIKAL OU AN POU DYAGNOSTIK AK TRETMAN, SAN WETE ENFÒMASYON KONSÈNAN KI TRETMAN KI KA PI APWOPRIYE POU OU. NOU PA DEKLARE NI NOU PA BAY GARANTI NENPÒT TRETMAN PATIKILYE OSWA LÒT ENFÒMASYON SOU PLATFÒM NAN EGZAK OSWA SAN DANJE, APWOPRIYE, OSWA EFIKAS POU OU.
d. Itilizasyon Chak Jou. W ap resevwa plizyè mesaj verifikasyon atravè Platfòm nan chak jou, tankou: “Èske ou pran medikaman w deja?”; “Ki nivo estrès ou gen kounye a?”; “Kòman ou santi w?” Epitou, w ap resevwa kesyonè regilye sou kilti popilè, sante jeneral, oswa sou fason w viv avèk VIH/SIDA. N ap afiche randevou yo otomatikman sou Platfòm lan. Si w panse nou pa mete yon randevou, tanpri kontakte yon manm pèsonèl la pou w jwenn èd, oswa ajoute randevou a alamen
e. Gwoup Kominote. Gwoup Kominote a se yon espas rezo sosyal prive kote manm yo kapab pataje enfòmasyon san non yo pa parèt, san wete pibliye kòmantè oswa poze lòt itilizatè yo kesyon. Tanpri konnen lè ou itilize Gwoup Kominote a, sa ka revele enfòmasyon sou eta sante ou, tankou estati VIH, bay lòt itilizatè yo. Yon fwa yo pataje enfòmasyon an nan Gwoup Kominote a, yo pa ka rekipere yo ankò epi lòt itilizatè ka wè yo avan yo itilize yo. Tanpri respekte konfidansyalite ki gen nan lòt piblikasyon ki sou Gwoup kominote a. Tanpri, note ke founisè swen sante pa pral gen aksè ak sa ki poste sou Gwoup Kominote a; li á fèt pou ou kominike ak founisè swen ou yo.
Ou rekonèt sa ou ap poste sou Gwoup Kominote a ap vizib pou lòt itilizatè yo. Y ap kosidere tout sa ki poste yo kòm konfidansyèl. Ou pa dwe poste oswa voye okenn kontni sou Gwoup Kominote a ke ou konsidere ki konfidansyèl, tankou enfòmasyon pèsonèl ki idantifye w, enfòmasyon sou sante (tankou estati VIH) oswa enfòmasyon finansyè. Ou rekonèt epi dakò lè ou gade sa lòt itilizatè poste sou Gwoup Kominote a, ou fè sa sou pwòp risk ou. Ou rekonèt sa ki poste yo pa verifye ni apwouve pa nou, e nou pa gen obligasyon pou nou tcheke davans, siveye, revize oswa modifye okenn pòs ou menm oswa lòt itilizatè yo mete sou Gwoup kominote a. Lè ou itilize Gwoup Kominote a, ou ka ekspoze ak kontni ki ofansan, ki pa desan, ki pa kòrèk, oswa ki ka deranje. Nou pa pran okenn responsablite pou sa ki poste yo oswa pou okenn pèt oswa domaj ki ka rive akoz yo. Opinyon lòt itilizatè yo sou Platfòm nan oswa sou sèvis nou yo pa reprezante opinyon oswa valè nou. Si ou vle rapòte pwoblèm ak sa lòt itilizatè poste, tanpri kontakte nou atravè enfòmasyon ki bay anba a. Nou ka retire selon sa nou deside, piblikasyon ki pa apwopriye, enfòmasyon ki idantifye w yon fason pèsonèl, betiz, oswa menas. Tanpri gade nan Seksyon 3(a) anba a avèk kondisyon espesifik pou Konduit ak Konpòtman ki gen rapò ak Gwoup Kominote a.
3. Fason pou Gen Aksè epi Itilize Platfòm lan
a. Anrejistreman ak Sekirite. Gen aksè ak kèk pati nan Platfòm lan ki limite ak itilizatè ki anrejistre yo. Nan kad pwosesis anrejistreman nou an, ou dwe ba nou kèk enfòmasyon. Nou itilize enfòmasyon sa yo pou verifye idantite w, epi pou pèmèt ou itilize tout sèvis nou ofri atravè Platfòm lan. Anplis, nou ka mande w pou bay enfòmasyon pèsonèl ki idantifye w (“Enfòmasyon Pèsonèl”), nou pral kenbe epi itilize yo jan nou dekri l nan Tèm ak Politik Konfidansyalite nou an. Si w pa respekte Tèm sa yo nenpòt kilè, nou rezève nou dwa pou sispann, anile, oswa kanpe modpas ou an, kont itilizatè, epi/oswa itilizasyon ak aksè sou Platfòm nan (oswa nenpòt kote sou li). Enfòmasyon pèsonèl yo gen ladan l kèk enfòmasyon medikal (pa egzanp, rezilta laboratwa pou CD4 ak chaj viral VIH) ki disponib atravè Platfòm nan epi ki rantre nan kad Politik Konfidansyalite a [Politik Konfidansyalite WHT]. Ou rekonèt kèk enfòmasyon sou sante ki kolekte epi konsève atravè Platfòm nan, tankou enfòmasyon ki gen rapò ak VIH, ka soumèt anba lwa federal ak eta ki bay pi gwo pwoteksyon vi prive pase sa lwa sou Health Insurance Portability and Accountability Act (HIPAA) prevwa. Y ap trete enfòmasyon sa yo selon lwa federal ak lwa eta ki aplikab yo.
Ou aksepte, deklare, jistifye ak garanti tout Enfòmasyon Pèsonèl ou bay yo vrè, egzak, konplè, ajou, epi se sèlman pou ou yo ye. Ou pa gen dwa vòlè idantite, imite, oswa fè tèt ou pase pou yon lòt moun lè w ap anrejistre.
b. Kont yo. Pou w kapab itilize Platfòm nan, ou dwe gen yon kont ki anrejistre (“Kont”). Ou dwe gen omwen dizuit (18) lane pou w ouvè epi kenbe yon Kont. Ou dwe gen yon non itilizatè, modpas, ak lòt enfòmasyon ki egzak ak konplè lè w ap kreye yon Kont. Kounye a, Platfòm nan fèt sèlman pou moun ki abite Etazini itilize li. Nou pa fè okenn deklarasyon ni garanti ke enfòmasyon oswa sèvis yo bay atravè Platfòm nan apwopriye pou aksè oswa itilizasyon nan lòt jiridiksyon. Platfòm nan pa fèt pou minè itilize li. Si ou gen mwens pase dizwit (18) an epi ou ap viv ak VIH, paran ou oswa gadyen legal ou dwe enskri kont lan nan non ou epi dakò ak Tèm sa yo. Koleksyon, itilizasyon, ak divilgasyon enfòmasyon sou sante yon minè yo sijè a lòt pwoteksyon adisyonèl anba lwa federal ak lwa eta ki aplikab yo. Toujou kontinye fè mizajou nan enfòmasyon ou yo. Nou ka egzije w chanje non itilizatè ou nan pwòp diskresyon nou, tankou si nou kwè non itilizatè ou chwazi a vyole Tèm sa yo.
c. Sekirite Kont lan. Se ou menm sèlman ki responsab kont ou an ak nenpòt aktivite ki fèt sou Kont ou an, kit ou te itilize oswa kit ou pa t otorize aktivite oswa aksyon sa yo, epi pou kenbe konfidansyalite ak sekirite enfòmasyon ki sou Kont ou an, san wete modpas yo. Ou rekonèt Kont ou pèsonèl epi ou dakò pou ou pa bay pyès moun aksè nan Platfòm nan, ni non itilizatè ou, ni modpas ou, ni nenpòt lòt enfòmasyon sekirite ki nesesè pou antre sou kont ou. Ou dwe notifye nou imedyatman si ou konnen oswa sispèk yon moun ki pa otorize ap itilize modpas ou oswa kont ou (pa egzanp, si modpas ou pèdi oswa yo vòlè li, si yon moun eseye itilize Platfòm nan atravè kont ou san konsantman ou, oswa si yo te jwenn aksè nan kont ou san pèmisyon ou). Ou dakò pou pa janm itilize kont yon lòt itilizatè pou nenpòt rezon san itilizatè a pa ou otorizasyon l alekri alavans. Ou pa kapab transfere oswa bay yon lòt moun itilize Kont ou an. Yon itilizatè yo te bay, oswa ki te bay pandan anrejistreman an, yon non itilizatè, yon modpas oswa nenpòt lòt enfòmasyon nan kad pwosedi sekirite sou Platfòm nan, dwe trete enfòmasyon sa yo yon fason konfidansyèl, epi itilizatè a pa dwe divilge yo bay okenn lòt moun oswa antite. Nou rekòmande pou w pa itilize oswa pou w pa rantre sou Platfòm nan sou okenn òdinatè piblik. Epitou, nou rekòmande pou w pa konsève modpas ou an atravè sit entènèt ou an oswa lòt lojisyèl
d. Limit Jeneral sou Itilizasyon an; Aktivite ki Entèdi. Ou ka itilize epi gen aksè ak Platfòm nan sèlman pou objektif legal. Ou aksepte pou konfòme w ak tout lwa, trete, règleman lokal, ki nan eta a, nasyonal ak etranje ki aplikab, epi ki gen rapò ak itilizasyon Platfòm nan ak kontni ki sou li yo. Anplis, san li pa limite, ou dakò pou w pa fè okenn nan pwen sa yo lè w ap itilize, oswa lè w gen aksè ak Platfòm nan:
i. Vyole Kondisyon sa yo oswa nenpòt lòt kondisyon ki ka aplike, oswa otreman pa respekte nenpòt lwa oswa règleman ki aplikab;
ii. itilize Platfòm nan pou rasanble, estoke, oswa distribiye enfòmasyon pèsonèl sou lòt itilizatè yo san yo pa bay otorizasyon yon fason ki klè;
iii.Fè nenpòt aktivite fwod tankou ajoute oswa itilize ak pwòp volonte w nenpòt enfòmasyon ki pa vre oswa ki pa egzak nan nenpòt pwofil; pran idantite yon lòt moun oswa yon antite, oswa reklame fo afilyasyon;
iv. vann oswa ofri, oswa fè nenpòt aktivite ki ka konsidere kòm yon tantativ pou vann oswa ofri: (i) pònografi ak lòt materyèl obsèn, oswa sèvis ki gen rapò ak aktivite seksyèl, (ii) pwodwi oswa sèvis sante ki pa pwouve oswa ki riske, (iii) machandiz oswa sèvis ki fo, oswa machandiz oswa sèvis ki enpòte oswa ekspòte ilegalman oswa yo vòlè, (iv) pwodwi oswa sèvis twonpè oswa predatè, oswa (v) nenpòt lòt machandiz oswa sèvis ki riske, jan nou detèmine sa selon pwòp diskresyon nou;
v. pase sou kote, dezaktive, oswa deranje nan nenpòt lòt fason fonksyonalite ki gen rapò ak sekirite Platfòm nan, oswa fonksyonalite ki anpeche oswa limite itilizasyon oswa kopi nenpòt kontni;
vi. itilize nenpòt metòd otomatize oswa pwogramatik pou ekstrè done oswa rezilta nan Platfòm nan, nan sèvis nou yo oswa nan rezo nou an, enkli “skraping”, rekòlte done sou entènèt, oswa ekstraksyon done sou entènèt;
vii. eseye fè ankèt, eskane, oswa teste vilnerabilite nenpòt sistèm oswa rezo n ap itilize pou fonksyone, oswa fè vyolasyon oswa degrade, oswa pase sou kote nenpòt mezi sekirite oswa otantifikasyon k ap pwoteje Platfòm nan;
viii. Pran nenpòt aksyon ki mete yon chaj ki pa rezonab oswa ki twò gwo sou enfrastrikti nou an, tankou, men li pa limite ak sa, atake Platfòm nan atravè yon atak ki fèt sou baz deni sèvis oswa yon atak sou baz deni sèvis ki distribiye, oswa lòt tantativ ki anpeche Platfòm nan fonksyone byen;
ix. transmèt oswa ajoute nenpòt materyèl sou Platfòm nan ki gen viris, cheval twa, vè, bonb retademan, oswa nenpòt lòt pwogram danjere oswa ki kapab deteryore l;
x. voye kourye yo pa mande oswa piblisite ki pa otorize, materyèl pwomosyon, imèl, kourye endezirab, spam, chenn lèt oswa nenpòt lòt fòm demann ki pa otorize;
xi. eseye dechifre, dekonpile, demonte, enjenyeri envèse, oswa lòt tantativ pou dekouvri oswa detèmine kòd sous sou nenpòt lojisyèl oswa nenpòt algorit pwopriyetè nou itilize pou ofri Platfòm nan;
xii. itilize Platfòm nan nenpòt fason pou fè konpetisyon avèk nou; oswa
xiii. ankouraje, kolabore, oswa bay nenpòt lòt moun oswa antite enstriksyon pou fè nenpòt bagay nou site anwo a.
LI ENTÈDI POU FÈ NENPÒT AKSYON NOU SITE ANWO A, OSWA POU DERANJE FONKSYÒNMAN PLATFÒM NAN, LI KA KONSIDERE TANKOU VYOLASYON DWA SIVIL AK PENAL LA. SI GEN YON AKSYON KONSA KI FÈT, NOU REZÈVE NOU DWA, ANPLIS LÒT REKOU NOU GENYEN, POU MANDE DOMAJ AK ENTERÈ (SAN WETE, MEN LI PA LIMITE AK FRÈ POU AVOKA) POU NENPÒT MOUN OSWA ANTITE KI ENPLIKE NAN TOUT LIMIT LALWA PÈMÈT LI.
e. Atitid ak Konpòtman. Kòm kondisyon pou w itilize Platfòm nan, Ou aksepte pou kenbe yon bon atitid pandan tout entèraksyon ou genyen avèk lòt itilizatè Platfòm nan. Ou aksepte pou kenbe yon rapò ki gen jantiyès ak pwofesyonèl avèk lòt itilizatè yo, san wete men li pa limite ak, evite di betiz, fè maledve, joure, itilize mo oswa aksyon ki pou fè eskandal, oswa lòt konpòtman ki pa apwopriye, pandan w ap itilize Platfòm lan. Epitou, ou aksepte tou pou ou pa poste, telechaje, kreye oswa pibliye atravè Platfòm nan (enkli Tab kominotè a) okenn kontni itilizatè ki, selon sèl desizyon nou, gen nenpòt nan eleman sa yo:
i. kontni oswa materyèl ki danjere, ki kapab pran dife, ki menase moun, ki fè diskriminasyon, ki abizif, ki pou fè tizonnay, ki kapab choke, ki deranje moun, ki vilgè, ki gen imaj ki kapab deranje, ki vyolan, ki rayisab, oswa ki kapab deranje moun nan yon lòt fason, oswa materyèl ki fèt pou annuiye oswa ki gen chans pou annuiye, ki dezagreyab, ki anbarase moun, oswa ki kreye enkyetid ki pa itil;
ii. materyèl oswa kontni ki ilegal oswa ki kont lalwa, oswa ki t ap konstitiye, ankouraje oswa bay enstriksyon pou komèt yon ofans kriminèl, vyole dwa nenpòt pati, oswa otreman kreye responsablite oswa vyole nenpòt lwa lokal, eta, nasyonal oswa entènasyonal;
iii. materyèl konfidansyèl oswa pwopriyetè materyèl lan, epi ou konprann n ap konsidere tout kontni ou ajoute sou Platfòm nan pa konfidansyèl epi ou pa pwopriyetè materyèl la, epi nou nou gen dwa pou itilize, kopye, distribiye, ak divilge nenpòt nan kontni sa yo pou nenpòt objektif, nan kad Tèm sa yo ak Politik Konfidansyalite nou an;
iv. enfòmasyon pou twonpe moun, ki gen fwod, oswa ki pa byen reprezante, oswa enfòmasyon ou konnen ki fo, ki pa egzak, oswa ki nan yon lòt fason pa bay verite;
v. kontni ou pa gen dwa legal pou kopye, transmèt, ak afiche (san wete, kontni ki kapab vyole nenpòt obligasyon konfidansyalite oswa fidisyè ou ka genyen pou respekte pa rapò ak kontni an);
vi. kontni ki pa respekte dwa sou pwopriyete entèlektyèl oswa ki vyole dwa konfidansyalite nenpòt twazyèm pati (san wete, men li pa limite ak dwadotè, mak, patant, sekrè komèsyal, oswa lòt dwa sou pwopriyete entèlektyèl, oswa dwa moral, oswa dwa sou piblisite);
vii. piblisite nou pa t mande oswa ki pa otorize, materyèl pou fè pwomosyon, kourye endezirab, kontni endezirab, chèn lèt, “lavant an piramid,” oswa nenpòt lòt fòm demann, ansanm ak viris oswa lòt kòd enfòmatik ki ka deranje, detwi, limite fonksyonalite Platfòm nan, oswa deranje aksè tout lòt itilizatè yo gen sou Platfòm nan;
viii. enfòmasyon sou nenpòt lòt moun ki pa ou menm, sof si ou asire w moun sa a konprann fason nou pral itilize enfòmasyon sa yo selon Politik Konfidansyalite nou an [Politik Konfidansyalite WHT], epi ou gen otorizyon pou bay enfòmasyon yo sou Platfòm nou an nan non yo, epi ou konprann lè w ba nou enfòmasyon sa yo, ou garanti sa a fèt. Ou pa dwe divilge estati VIH yon lòt moun oswa nenpòt lòt enfòmasyon sansib sou sante sou Platfòm nan san konsantman ekri moun sa a;
ix. nenpòt kontni ki pa respekte nenpòt nan kondisyon ki nan Tèm sa yo.
LI ENTÈDI POU FÈ NENPÒT AKSYON NOU SITE ANWO A, OSWA POU DERANJE FONKSYÒNMAN PLATFÒM LAN, LI KA KONSIDERE TANKOU VYOLASYON DWA SIVIL AK PENAL LA. SI GEN YON AKSYON KONSA KI FÈT, NOU REZÈVE NOU DWA, ANPLIS LÒT REKOU NOU GENYEN, POU MANDE DOMAJ AK ENTERÈ (SAN WETE, MEN LI PA LIMITE AK FRÈ POU AVOKA) POU NENPÒT MOUN OSWA ANTITE KI ENPLIKE NAN TOUT LIMIT LALWA PÈMÈT LI. NOU PA RESPONSAB POU KONTNI LÒT ITILIZATÈ PIBLIYE KI PA RESPEKTE TÈM NOU YO, EPI NOU REFIZE YON FASON KI KLÈ NENPÒT OBLIGASYON POU KONTWOLE ITILIZASYON PLATFÒM NAN, OSWA POU KONSÈVE KONTNI KI SOU PLATFÒM SA A, SOF SI GEN YON LÒT AKÒ.
San limite sa ki vin anvan an, menm si nou pa gen obligasyon pou nou kontwole aksè oswa itilizasyon Platfòm nan ni pou nou revize oswa modifye nenpòt Kontni Itilizatè (jan sa defini pi ba a), nou gen dwa pou nou fè sa pou operasyon Platfòm nan, pou asire konfòmite ak Tèm sa yo, oswa pou respekte lwa ki aplikab oswa lòt egzijans legal. Nou gen dwa retire nenpòt Kontni Itilizatè ou telechaje oswa pibliye si nou detèmine, selon pwòp diskresyon nou, ke Kontni Itilizatè ou a pa respekte estanda ki anwo yo, oswa an repons ak plent lòt itilizatè oswa twazyèm pati, avèk oswa san avètisman epi san okenn responsablite anvè ou. Malgre sa ki anwo a, nou p ap divilge okenn enfòmasyon ki ta revele sitiyasyon VIH ou oswa lòt enfòmasyon sansib sou sante bay twazyèm pati, sof nan ka lalwa federal ak eta ki aplikab pèmèt sa, enkli lwa sou konfidansyalite VIH. Nou gen dwa tou divilge idantite ou bay nenpòt twazyèm pati k ap reklame Kontni Itilizatè ou a vyole dwa pwopriyete entelektyèl yo oswa dwa vi prive yo, oswa si sa nesesè pou konsilte epi kolabore ak otorite lapolis pou pouswiv itilizatè ki vyole lalwa, selon lwa ki aplikab sou konfidansyalite done sante yo.
4. Pwopriyete Entèlektyèl
a. Platfòm nan. Platfòm nan, ki gen ladan tout tèks, imaj, desen, grafik, kontni, kòd sous, kòd objè, done, fonksyonalite (ki gen ladan, men li pa limite ak sa yo, tout enfòmasyon, lojisyèl, ekspozisyon, videyo ak odyo, ansanm ak konsepsyon, chwa ak òganizasyon yo), se pwopriyete nou, lisansye nou yo, oswa lòt founisè materyèl sa yo. Pou klate, nou posede dwa sou konpilasyon, òganizasyon ak asanblaj la, ansanm ak nenpòt modifikasyon, varyasyon, mizajou, vèsyon ak chanjman nan tout enfòmasyon ki antre epi ki estoke nan baz done nou yo kòm pati nan Platfòm nan. Materyèl sa a, an jeneral, pwoteje pa lwa Etazini sou dwa otè, mak komèsyal, patant, sekrè komèsyal ak lòt dwa pwopriyete entelektyèl oswa pwopriyetè. Tout kontni sou Platfòm nan oswa ki asosye avèk li pwoteje pa Copyright Act 1976 la. Ou pa gen dwa repibliye, repwodui, transmèt, transfere, kreye vèsyon derive, oswa itilize nenpòt kontni sou Platfòm nan san pèmisyon ekri, eksprime ak avan nou.
Ou pa genyen e ou p ap gen okenn dwa pwopriyete entelektyèl sou Platfòm nan, tankou kontni ki pibliye ladan li, lakoz itilizasyon ou fè ak Platfòm nan. Lè ou itilize Platfòm nan, ou ka jwenn aksè ak dwa pwopriyete entelektyèl ki fè pati nou, lisansye nou yo, oswa twazyèm pati yo. Selon respè ou pou Tèm sa yo, nou ba ou yon lisans limite, ki pa eksklizif, ki pa transfere, epi ki ka revoke, san dwa pou bay sou-lisans, pou jwenn aksè ak itilize Platfòm nan, epi pou telechaje ak enprime nenpòt kontni nou bay, sèlman pou itilizasyon pèsonèl epi ki pa komèsyal. Sòf pou itilizasyon limite ki endike nan fraz anvan an, ou pa gen dwa kopye, telechaje, repibliye, distribye, repwodui, poste, telechaje sou entènèt, transmèt, transfere, kreye vèsyon derive, oswa otreman itilize nenpòt enfòmasyon ki nan Platfòm nan. Pa gen okenn lisans oswa dwa yo ba ou pa enplikasyon oswa otreman sou okenn dwa pwopriyete entelektyèl ki posede oswa kontwole pa nou oswa lisansye nou yo, sòf sa ki eksprime klèman nan Tèm sa yo.
b. Kontni Itilizatè. Si ou poste oswa telechaje nenpòt kontni, done oswa lòt materyèl sou Platfòm nan, oswa si ou entèraji ak nenpòt kontni ki pibliye sou Platfòm nan, tankou, men pa limite ak, fè kòmantè oswa “like” kontni lòt itilizatè yo (ansanm, « Kontni Itilizatè »), ou deklare epi garanti ke ou posede tout dwa, tit ak enterè sou Kontni Itilizatè ou a, epi ke ou gen otorite oswa lisans pou poste, telechaje oswa pataje Kontni Itilizatè ou a avèk nou. Ou kenbe tout dwa pwopriyetè sou Kontni Itilizatè ou a, men lè ou poste, telechaje oswa soumèt Kontni Itilizatè sa a sou Platfòm nan, ou bay nou yon lisans ki pa eksklizif, ki ka transfere, san limit, atravè lemond, pèpetyèl, irevokab, ki ka bay sou-lisans epi san redevans, pou itilize, modifye, adapte, repwodui, kreye travay derive, pibliye ak/oswa transmèt, epi estoke Kontni Itilizatè sa a pou (i) amelyore, kenbe epi bay Platfòm nan ak sèvis yo, (ii) fè li disponib pou twazyèm pati, enkli klinik ou ak/oswa lòt itilizatè yo, selon fonksyonalite w ap itilize yo, epi (iii) pou rezon entèn biznis, enkli analiz operasyonèl ak rapò. Malgre sa ki anwo a, nenpòt Kontni Itilizatè ki konstitiye enfòmasyon sante pwoteje (enkli enfòmasyon ki gen rapò ak VIH) ap itilize, divilge epi konsève sèlman jan lwa federal ak lwa eta sou konfidansyalite sante pèmèt, tankou HIPAA ak lwa eta sou konfidansyalite VIH. Si gen konfli ant lisans sa a ak lwa sou konfidansyalite sante ki aplikab yo, lwa sa yo ap gen priyorite. Tout itilizasyon Kontni Itilizatè ou a tonbe anba Politik Konfidansyalite nou an.
c. Fidbak. Si ou voye oswa transmèt nenpòt kominikasyon, kòmantè, kesyon, sijesyon oswa lòt kontni ki gen rapò ak nou, kit se atravè Platfòm nan, sou rezo sosyal, pa lapòs, imèl, telefòn, sondaj oswa nenpòt lòt fason, epi ou fè sijesyon oswa rekòmandasyon pou chanjman, amelyorasyon oswa amelyore Platfòm nan oswa sèvis nou yo (“Fidbak”), ou ba nou yon lisans ki pa eksklizif, san limit, pèpetyèl, irevokab, ki ka transfere, ki ka bay sou-lisans epi san redevans, pou itilize Fidbak ou a nan nenpòt fason ak pou nenpòt objektif, pou bay, optimize, amelyore, pwomote oswa mache sèvis nou yo, epi pou kreye nouvo pwodwi ak sèvis, san okenn konpansasyon pou ou.
d. DMCA
Lwa sou Pwoteksyon Moun ki gen Dwadotè (Digital Millennium Copyright Act) (17 U.S.C. § 512); Vyolasyon Dwadotè
Nou dwe voye tout avi pou moun ki pa respekte dwadotè bay ajan ki responsab dwadotè nou site nan Politik sou Dwadotè nou an [Politik WHT DMCA] nan fason ak mwayen ki prevwa pou sa fèt. Nou depoze avi pou Ajan nou Deziyen an nan Biwo pou Dwadotè nan Etazini.
Si w kwè gen Kontribisyon nenpòt itilizatè ki pa respekte dwadotè w, tanpri gade nan Politik Dwadotè nou an pou jwenn enstriksyon sou fason pou voye yon avi sou vyolasyon dwadotè. Nou gen politik pou nou fèmen kont itilizatè ki fè aksyon sa a plizyè fwa.
5. Sekirite
Se ou menm ki responsab pou mete sou pye pwosedi ak mekanis sekirite ki ase pou reponn ak egzijans espesyal nan kesyon pwoteksyon antiviris, epi pou done k ap rantre epi k ap soti yo egzak. Epitou, se ou menm ki pou gen yon mwayen ki deyò epi ki separe ak Platfòm sa a pou rejwenn nenpòt done ki pèdi.
Nou p ap responsab pou nenpòt bagay ki pèdi oswa domaj ki rive akoz yon atak ki fèt sou baz deni sèvis, viris, oswa lòt materyèl teknoloji ki danjere epi ki ka enfekte ekipman òdinatè w, pwogram ki sou òdinatè w, done, oswa lòt materyèl pwopriyete ki rive akoz fason ou itilize Platfòm nan, oswa fason ou telechaje nenpòt materyèl ki pibliye sou li, oswa sou nenpòt sit entènèt yon twazyèm pati ki konekte avèk li.
6. Sit Entènèt Twazyèm Pati ak Rezo Sosyal
Platfòm lan ka gen lyen ak lòt sit entènèt sou Entènèt la, kote se pa nou k ap jere yo, epi nou ofri yo pou yo kapab itil ou sèlman. Lè w soti sou Platfòm lan, ou fè sa pou pwòp risk ou. Lè nou ofri yon lyen sit entènèt pou yon twazyèm pati, nou pa pran responsabilite oswa nou p ap eseye asosye ak yon lòt antite. Nou pa gen kontwòl sou kontni ki sou sit oswa resous sa yo, epi nou pa aksepte okenn responsabilite pou yo, oswa pou nenpòt pèt oswa domaj ki ka rive pandan w ap itilize yo. Si w deside gen aksè sou nenpòt sit entènèt yon twazyèm pati ki konekte ak Platfòm nou an, ou fè sa pou pwòp risk ou epi sou baz tèm ak kondisyon itilizasyon ak politik konfidansyalite pou sit entènèt sa yo. Nou p ap pataje enfòmasyon sou sante sa yo san konsantman w oswa jan lalwa egzije sa. OU REKONÈT WARM HEALTH TECHNOLOGY, INC. P AP RESPONSAB POU OKENN DOMAJ OSWA PÈT KI RIVE OSWA NOU SIPOZE KI RIVE, OSWA KI GEN KONEKSYON AVÈK, KONFYANS OU FÈ NENPÒT ENFÒMASYON, NENPÒT BYEN, NENPÒT SÈVIS, OSWA NENPÒT MATERYÈL YON SIT ENTÈNÈT KI SE YON TWAZYÈM PATI OFRI.
Gen kèk jiridiksyon ki pa pèmèt nou retire garanti yo nan fason sa yo, pou rezon sa yo li posib pou eksklizyon sa yo pa aplike ak akò nou genyen avèk ou an. Nan ka sa a, esklizyon yo aplike nan tout limit dwa ki aplikab yo pèmèt nou.
7. Konfyans; Limit Responsabilite; Responsabilite
a. Konfyans nan Enfòmasyon ki Pibliye yo. Ou asime nenpòt risk ak tout risk pou desizyon ou pran sou baz enfòmasyon ki genyen sou Platfòm nan. Enfòmasyon nou prezante sou Platfòm nan oswa atravè Platfòm nan disponib sèlman nan objektif enfòmasyon jeneral. Nou pa garanti enfòmasyon sa yo egzak, konplè, oswa itil. Konfyans ou fè nenpòt enfòmasyon sa yo, oswa desizyon ou pran pa rapò ak yo, yon fason estrik se pou pwòp risk ou. Nou refize nenpòt ak tout responsabilite ki soti nan nenpòt konfyans ou menm oswa nenpòt lòt itilizatè fè materyèl ki sou Platfòm sa a, oswa nenpòt moun ki ka enfòme sou nenpòt kontni li genyen.
b. NOU PA BAY GARANTI. PLATFÒM LAN, SÈVIS YO, AK TOUT ENFÒMASYON KI SOU LI YO OFRI SOU YON BAZ “JAN LI YE A” SAN NOU PA BAY OKENN GARANTI SOU OKENN FÒM. NAN TOUT LIMIT LALWA PÈMÈT LI, WARM HEALTH TECHNOLOGY, INC., ANSANM AK RESPONSAB, OFISYE, ANPLWAYE, MOUN KI SOU KONTRA, AJAN AK REREZANTAN YO, REJTE NAN MOMAN SA TOUT GARANTI, KI EKSPRIME YON FASON KI KLÈ OSWA KI PA KLÈ, SAN WETE GARANTI SOU KALITE LAVANT AK VYOLASYON DWA TWAZYÈM PATI YO KI PA DWE FÈT, AK GARANTI POU LI ADAPTE AK YON OBJEKTIF ESPESYAL. NOU REJTE TOUT GARANTI MENM SI LI SOTI NAN YON LWA, ESTATI, YON PRATIK KOMÈSYAL, YON ITILIZASYON KOMÈSYAL, OSWA NENPÒT LÒT RELASYON. NOU PA BAY OKENN GARANTI KI DI ENFÒMASYON KI BAY SOU PLATFÒM NAN EGZAK, FYAB, KONPLÈ, GEN KALITE, GEN FONKSYONABILITE, OPÒTINITE, RAPIDITE, OSWA AKSESIBILITE. NOU PA BAY OKENN GARANTI KI DI PLATFÒM NAN AP FONKSYONE, SEKIRIZE, PA GEN ERÈ, OSWA PA GEN VIRIS.
PLATFÒM NAN, SÈVIS YO, AK KONTNI YO DEVLOPE POU ITILIZE NAN ETAZINI EPI NOU MENM AK MOUN KI BAY LISANS YO AK MOUN KI ASOSYE YO PA FÈ OKENN DEKLARASYON OSWA GARANTI SOU SÈVIS OSWA KONTNI LÈ NOU ITILIZE YO NAN NENPÒT LÒT PEYI.
c. LIMIT SOU RESPONSABILITE. NAN TOUT LIMIT LALWA PÈMÈT LI, NAN MOMAN SA OU LIBERE WARM HEALTH TECHNOLOGY, INC., ANSANM AK RESPONSAB, OFISYE, ANPLWAYE, MOUN KI SOU KONTRA, AJAN AK REREZANTAN YO, POU TOUT RESPONSABILITE KI GEN RAPÒ AK ITILIZASYON PLATFÒM NAN. OU REKONÈT OU RESPONSAB POU NENPÒT AKSYON OU FÈ PANDAN W AP ITILIZE PLATFÒM LAN. OU REKONÈT FASON OU ITILIZE PLATFÒM NAN AK NENPÒT AKSYON KI SOTI NAN FASON OU ITILIZE PLATFÒM LAN SE POU PWÒP RISK OU SÈLMAN.
NAN OKENN KA WARM HEALTH TECHNOLOGY, INC., ANSANM AK RESPONSAB, OFISYE, ANPLWAYE, MOUN KI SOU KONTRA, AJAN AK REREZANTAN LI YO P AP RESPONSAB POU NENPÒT KALITE DOMAJ, SELON NENPÒT TEYORI LEGAL, OSWA NAN KAD NENPÒT TEYORI EKITAB, KI SOTI NAN FASON OU ITILIZE PLATFÒM LAN, OSWA KI GEN RAPÒ AK FASON OU PA KAPAB ITILIZE PLATFÒM LAN OSWA NENPÒT SIT ENTÈNÈT KI GEN RAPÒ AVÈK LI, NENPÒT KONTNI KI SOU PLATFÒM NAN, SAN WETE NENPÒT DOMAJ DIRÈK, ENDIRÈK, ESPESYAL, AKSIDANTÈL, KONSEKITIF, OSWA DOMAJ PINITIF, SAN WETE MEN LI PA LIMITE AK, BLESI PÈSONÈL, DOULÈ AK SOUFRANS, SOUFRANS EMOSYONÈL, REVNI KI PÈDI, PWOFI KI PÈDI, BIZNIS KI PÈDI, OPÒTINITE KOMÈSYAL KI PÈDI, OSWA EKONOMI ANTISIPE, ITILIZASYON KI PÈDI, FON KOMÈSYAL KI PÈDI, DONE KI PÈDI, EPI MENM SI SE YON DELI KI LAKÒZ LI (SAN WETE NEGLIJANS), YON KONTRA KI KANPE OSWA YON POU LÒT REZON, MENM SI LI TE KAPAB PREVWA. SA KI DI ANVAN AN PA AFEKTE TOUT RESPONSABILITE KI PA KAPAB EKSKLI OSWA KI LIMITE NAN KAD LWA KI APLIKAB YO. SI W PA SATISFÈ AK NENPÒT PATI SOU PLATFÒM LAN, NENPÒT DISPOZISYON KI PRAN NAN TÈM SA YO, OSWA NENPÒT PRATIK OSWA POLITIK NOU GENYEN, SÈL CHWA AK INIK CHWA OU GENYEN SE SISPANN ITILIZE PLATFÒM LAN. SI GEN NENPÒT PATI NAN LIMIT SOU RESPONSABILITE SA A NOU JWENN KI ENVALID, RESPONSABILITE A LIMITE NAN TOUT LIMIT LALWA PÈMÈT LI.
8. Dedomajman
W ap dedomaje, defann, epi fè yon akò ki retire tout responsabilite Warm Health Technology, Inc., moun ki bay lisans yo ak moun ki asosye yo, ansanm ak responsab, ofisye, anplwaye, moun ki gen kontra, ajan, ak repreprezantan yo, pou nenpòt ak kont tout reklamasyon, koz aksyon, demann, responsabilite, pèt, frè depans (san wete, men li pa limite ak depans ak frè rezonab pou avoka) ki soti oswa ki gen rapò ak nenpòt nan pwen sa yo: fason ou itilize Platfòm lan, san wete kontni li genyen, vyolasyon nenpòt nan dispozisyon ki nan Tèm sa yo, san wete nenpòt aktivite ki gen rapò ak Kont ou an, oswa nenpòt lòt moun ki gen aksè ak Platfòm lan atravè Kont ou an ki se yon vyolasyon Tèm sa yo; oswa vyolasyon dwa nenpòt twazyèm pati, li gen ladan l, men li pa limite, ak nenpòt dwa sou pwopriyete entèlektyèl, piblisite, konfidansyalite, pwopriyete oswa dwa sou konfidansyalite, sof si Platfòm lan vyole dwa yon twazyèm pati.
Ou pa ka regle okenn litij oswa reklamasyon konsa san konsantman ekri nou alavans. Nou rezève nou dwa ak pwòp depans nou, pou defann epi kontwole nenpòt pwen ou soumèt pou dedomajman, nan ka kote w ap kowopere avèk nou pou revandike tout defans ki disponib.
9. Renonsyasyon Pwosè avèk Jiri ak Rekou Kolektif
NAN MOMAN SA, PATI KI PREZAN YO RENONSE AK YON PWOSÈ DEVAN JIRI NAN KA KOTE GEN LITIJ, POUSUIT, OSWA PWOSEDI DEVAN NENPÒT TRIBINAL, KONSÈNAN, OSWA KI GEN RAPÒ AK TÈM SA YO, OSWA POLITIK KONFIDANSYALITE OSWA VALIDITE, PWOTEKSYON, ENTÈPRETASYON, RASANBLE OSWA APLIKASYON LI, EPI/OSWA SOU FASON PLATFÒM NAN FONKSYONE. ANPLIS, PATI YO DAKÒ NENPÒT LITIJ, POUSUIT, OSWA PWOSEDI AP FÈT SÈLMAN SOU YON BAZ ENDIVIDYÈL EPI LI P AP FÈT NAN YON AKSYON KOLEKTIF, KONSOLIDE OSWA REPREZANTATIF.
10. Pa Respekte Tèm yo; Rezilyasyon
Nou ka sispann oswa fèmen kont ou epi/oswa refize ou aksè pou itilize Platfòm nan oswa nenpòt nan sèvis nou yo, san avètisman alavans, si ou angaje nan nenpòt konpòtman ki, selon sèl jijman nou : (i) vyole nenpòt pati nan Tèm sa yo, (ii) vyole dwa nou oswa dwa twazyèm pati yo, (iii) pa respekte lwa oswa règleman ki aplikab yo, oswa (iv) pa apwopriye. Tèm sa yo ap kontinye aplike menm si yo sispann oswa fèmen kont ou. Lè gen revokasyon oswa fèmti kont lan, nou ap konsève enfòmasyon ou yo jan sa dekri nan Politik Konfidansyalite nou an ak jan lalwa ki aplikab egzije sa. Ou gen dwa mete fen nan Tèm sa yo lè ou kontakte ekip swen ou dirèkteman oswa lè ou kontakte nou atravè enfòmasyon kontak ki bay anba a pou dezaktive kont ou. Tanpri not ka gen kèk kondisyon alavans ou dwe satisfè anvan ou ka mete fen nan Kondisyon sa yo, selon antant nou genyen ak klinik ou a oswa selon lòt tèm ki aplikab pou itilizasyon ou nan Platfòm nan.
11. Avi COPPA
SIT SA A PA FÈT POU ITILIZATÈ KI GEN MWENS PASE (13) LANE. Ou kapab jwenn plis enfòmasyon sou respè ak Lwa sou Pwoteksyon Vi Prive Timoun Sou Entènèt (“COPPA”) lè w gade Politik Konfidansyalite nou an [Politik Konfidansyalite WHT].
12. Relasyon ak Founisè Sante yo. Itilizasyon ou fè de Platfòm nan vin fasil gras ak relasyon ou genyen ak yon founisè swen sante oswa yon klinik ki patisipe nan pwogram nan (“Founisè PL Cares oswa PL Hope” ou a). Founisè PL Cares ou a responsab pou ba ou swen klinik ak tretman. Nou ofri sèvis teknolojik pou ede Founisè PL Cares ou a ofri swen sa yo ba ou. Nou ka resevwa, konsève epi transmèt sèten enfòmasyon sou sante nan non Founisè PL Cares ou a kòm yon asosye komèsyal dapre lwa HIPAA. Itilizasyon ak divilgasyon enfòmasyon sante pwoteje nou resevwa nan men oswa nan non Founisè PL Cares ou a reglemante pa Akò Asosye Komèsyal nou genyen ak founisè sa a ansanm ak lwa ki aplikab yo, epi se pa sèlman pa Tèm sa yo. Pou nenpòt kesyon sou fason Founisè PL Cares ou a itilize ak pwoteje enfòmasyon sou sante ou, tanpri kontakte Founisè PL Cares ou a dirèkteman.
13. Tèm Anplis
a. Lwa an Vigè ak Tribinal ki Konpetan. Se lwa ki nan Etazini ak nan Eta Virginia (san yo pa gade lwa ki kontwole konfli nan lwa yo) ki entèprete, kontwole, ak aplike Tèm sa yo. Ou aksepte tout aksyon nan tribinal ki konpetan, ki gen rapò nan nenpòt fason ak Tèm sa yo, dwe fèt devan yon tribinal federal oswa devan yon tribinal nan eta a ki nan yon jiridiksyon konpetan ki nan Virginia. Chak pati sou baz kondisyon sa yo renonse ak objeksyon ki baze sou fowòm "non conveniens", epi yo renonse pou nenpòt objeksyon sou kote yo depoze nenpòt aksyon, nan limit kote aksyon an depoze devan tribinal ki idantifye anwo a.
b. Transfè. Nou ka, san nou pa avèti ou alavans, transfere Tèm sa yo ansanm ak tout dwa, tit ak enterè ki ladan yo bay yon lòt antite. Ou pa gen dwa transfere, bay, sou-lisansye oswa delege dwa oswa obligasyon ou genyen anba Tèm sa yo bay okenn lòt moun san konsantman ekri nou alavans.
c. Separasyon. Si gen yon tribinal ki konpetan ki deklare nenpòt nan dispozisyon sa yo envalid, dispozisyon sa a p ap efikas nan limit envalidite a sèlman, pou rezon sa rès dispozisyon yo ak tout lòt dispozisyon yo ap kontinye rete an vigè nèt.
d. Renonsyasyon. Nou p ap konsidere okenn renonsyasyon ak nenpòt nan tèm oswa kondisyon nou site yo tankou yon renonsyasyon ki fèt pou pi devan oswa ki kontinye pou tèm oswa kondisyon yo, oswa yon renonsyasyon pou nenpòt lòt tèm oswa kondisyon. Epitou, lè w pa vle fè aplike yon dwa oswa yon disposizyon li pa konstitiye yon renonsyasyon pou dwa oswa dispozisyon sa yo.
e. Tout Akò Nèt. Tèm sa yo, ansanm ak Politik Konfidansyalite a vle di ou konprann tout akò konplè ki siyen ant ou menm ak Warm Health Technology, Inc. LÈ W ITILIZE PLATFÒM LAN, OU REKONÈT OU LI TÈM SA YO, EPI OU AKSEPTE OU LYE AK TOUT TÈM AK KONDISYON KI APLIKAB YO.
14. KONTAKTE NOU
Pou poze kesyon oswa fè kòmantè sou Tèm sa yo, ou ka Kontakte nou nan: support@wht.care